УТВРДЕНИ НОВИТЕ СОСТАВИ НА ОДБОРИТЕ За четири државни награди
Познати предлозите за претседатели и членови на одборите за „Мајка Тереза“, „22 Ноември“, „Свети Климент Охридски“ и „Мито Хаџи Василев Јасмин“.
Собраниската Комисија за прашања на изборите и именувањата ги утврди предлог-одлуките за разрешување и именување на претседатели и членови на одборите за доделување на државните награди „Мајка Тереза“, „22 Ноември“, „Свети Климент Охридски“ и „Мито Хаџи Василев Јасмин“.
За претседател на Одборот за доделување на државната награда „Мајка Тереза“ е предложен академик Витомир Митевски. Во составот се предложени и проф. д-р Константин Миновски, проф. д-р Ангел Миов, академик Сашо Цветковски, проф. д-р Сава Пејковска, Владимир Костов, проф. д-р Звонимир Јанкуловски, актерот Рубенс Муратовски, Елизабета Јованоска, д-р Маријан Патлиџанковски, проф. д-р Бесим Мемеди, Мирлинда Вејсели и Абдурауф Прутхи.
За претседател на новиот Одбор за државната награда „22 Ноември“ е предложен проф. д-р Оливер Бакревски. Членови се проф. д-р Андон Чибишев, Летка Димовска Полизова, Фатма Бајрам Аземоска, Лиридона Вејсели, Илир Ибрахими, Флорим Ајдини, Бајруш Мијаку, Лилјана Дамовска, Сузана Спасовска, Јасмина Ѓорѓиевска Павлоска, Живко Поповски Цветин и проф. д-р Александар Стојков.
Комисијата го утврди и предлог-составот на Одборот за доделување на наградата „Свети Климент Охридски“. За претседател е предложен д-р Драги Митревски, додека членови се проф. д-р Константин Димитровски, проф. д-р Бошко Ангелоски, д-р Натали Рајчиновска Павлеска, Марија Давковска Серафимовска, проф. д-р Ивица Смоковски, актерот Ѓорѓи Јолески, оперскиот пејач Игор Дурловски, проф. д-р Марија Јовановски Срцева, проф. д-р Горан Ајдински, проф. д-р Исмет Бакиу, проф. д-р Муќерем Руси и проф. д-р Идаете Синани.
Дополнително, Комисијата ја утврди и предлог-одлуката за разрешување и именување на претседател и членови на Одборот за доделување на државната награда „Мито Хаџи Василев Јасмин“.
За претседател е предложен Нове Цветановски, а за членови Братислав Ташковски, Драган Милосавлевиќ, Весна Ивановска, Пандорка Арсовска-Гацова, Миле Ристески, Искра Коровешовска, Димитар Петрески, Ранко Младеновски, Гордана Ѓорчева, Елизабета Арсовска, д-р Фатон Мурсели и Сефер Тахири.
Предлог-одлуките сега ќе бидат доставени до Собранието, каде што треба да бидат разгледани и ставени на одлучување.
