УРУГВАЈ ПРОПАДНА НА МУНДИЈАЛОТ А потоа следеше уште еден удар, ова не се памети
Селекцијата која беше сметана за еден од скриените фаворити доживеа дебакл, а последиците од елиминацијата веднаш се почувствуваа.
Уругвај доживеа вистински фудбалски шок откако неочекувано беше елиминиран уште во групната фаза на Светското првенство. Селекцијата која пред турнирот беше сметана за еден од „тивките фаворити“ не успеа да ги оправда очекувањата и на разочарување на целата јавност во земјата мораше предвреме да го заврши настапот.
Но, последиците од неуспехот очигледно не застанаа само на спортски план. Според информациите од Уругвај, Фудбалската федерација на оваа земја го откажала чартер-летот кој беше планиран за враќање на тимот од базата во Плаја дел Кармен, Мексико.
Поради тоа, репрезентативците биле принудени да се враќаат дома со комерцијални летови, што е крајно невообичаена ситуација за селекција која настапува на најголемата фудбалска сцена.
Вакви потези ретко се гледаат на највисоко ниво, особено за време на Мундијал. Сепак, очигледно е дека во Уругвај елиминацијата била доживеана како сериозен неуспех, а фудбалерите ги очекува тежок период на анализи и одговорност.
