ТРАМП ЖЕСТОКО ГО НАПАДНА ХЕРЦОГ ПОРАДИ НЕТАНЈАХУ – Слаб и полн со глупости
Трамп во интервју го нарече Херцог „слаб и патетичен“ поради одбивањето да го помилува Нетанјаху.
Американскиот претседател Доналд Трамп повторно упати остри критики кон израелскиот претседател Исак Херцог поради неговото одбивање да го помилува израелскиот премиер Бенјамин Нетанјаху.
Во интервју за американскиот ТВ канал 12, Трамп изјави дека Херцог е „слаб, патетичен и полн со глупости“, бидејќи тврди дека не може да одлучи за помилување без претходна препорака од израелското Министерство за правда, пренесува „Тајмс оф Израел“.
„Не му се потребни никакви препораки. Тој е полн со глупости, слаб и беден човек. Сакам Биби (прекарот на Нетанјаху) да се фокусира на војната, а не на глупостите“ – изјави Трамп.
Одделот за помилување при израелското Министерство за правда, пак, утврдил дека барањето на Нетанјаху не ги исполнува релевантните услови и критериуми. Израелските медиуми наведуваат дека, во такви околности, е многу малку веројатно претседателот Херцог да одобри помилување.
Минатата недела Трамп веќе го нарече Херцог „срам“ затоа што не го помилувал Нетанјаху, на што кабинетот на израелскиот претседател одговори дека евентуалната одлука за помилување ќе биде донесена самостојно и без какво било надворешно влијание.
