ТРАМП ВЛЕГУВА ВО СОБАТА ЗА СИТУАЦИИ Светот во неизвесност, се носи конечната одлука за Иран

Американскиот претседател Доналд Трамп во петокот соопшти дека се упатува кон Собата за ситуации во Белата куќа, каде што треба да ја донесе „конечната одлука“ за понатамошните чекори на САД кон Иран.

Во објава на платформата Truth Social, Трамп порача дека Иран мора да гарантира дека никогаш нема да поседува нуклеарно оружје. Тој исто така побара Хормутскиот теснец веднаш да биде отворен за слободен и непречен бродски сообраќај, без какви било такси или ограничувања.

Трамп наведе дека сите морски мини во теснецот треба да бидат отстранети или уништени, тврдејќи дека американските сили веќе детонирале дел од нив со помош на подводни миночистачи. Според него, поморската блокада ќе биде укината, а бродовите што биле задржани ќе можат да се вратат во своите матични земји.

Американскиот претседател се осврна и на збогатениот нуклеарен материјал, за кој рече дека е закопан длабоко под земја по нападите извршени од американските бомбардери Б-2 пред 11 месеци. Тој посочи дека Соединетите Американски Држави, во координација со Иран и Меѓународната агенција за атомска енергија, ќе работат на негово ископување и уништување.

„Нема да има размена на пари до понатамошно известување. Другите прашања се договорени и се од помало значење. Сега одам во Собата за ситуации за да ја донесам конечната одлука“, напиша Трамп.