ТРАМП ТВРДИ Американската берза изгуби 3.000 милијарди долари по победата на демократите
Трамп смета дека победата на демократите ги вознемирила инвеститорите ширум светот, но уверува дека американската економија повторно оди нагоре.

Американскиот претседател Доналд Трамп тврди дека берзанскиот пазар во САД изгубил дури три трилиони долари веднаш по ноемвриските конгресни избори, на кои Демократската партија оствари победа над републиканците. Тој смета дека изборните резултати предизвикале незадоволство кај инвеститорите ширум светот, што се одразило и врз движењата на берзата.
„Дали некој забележа дека веднаш по изборите, берзата изгуби три трилиони долари во вредност? Со други зборови, на инвеститорите ширум светот не им се допадна она што се случи на денот на изборите“, напиша Трамп на својата социјална мрежа Truth Social.
Сепак, американскиот претседател порача дека нема причина за загриженост, посочувајќи дека пазарот во меѓувреме повторно бележи раст. Тој изрази оптимизам дека Америка наскоро ќе биде „поголема од кога било“. Иако веднаш по изборите американските берзи првично забележаа раст, водечките берзански индекси на 5 ноември доживеаја остар пад.
Како една од главните причини за негативните движења се наведува распродажбата на акциите на технолошките компании, поттикната од загриженоста за можно заострување на регулативите во секторот на вештачката интелигенција и изградбата на центри за обработка на податоци.
На конгресните избори одржани на 3 ноември, Демократската партија освои мнозинство и во двата дома на американскиот Конгрес. Според објавените изборни проекции, демократите освоија 256 места во Претставничкиот дом, наспроти 169 за републиканците. Во Сенатот, демократската партија доби 55 места, додека републиканците освоија 44.
Промената на политичката рамнотежа се одрази и врз изборот на гувернери. Демократските кандидати победија во 30 американски држави, додека републиканците освоија победи во останатите 20.

