ТАЈНИ ИЛИ ЈАВНИ – Кремљ тврди дека ништо не се крие од разговорите Путин – Трамп
Ушаков, според Кремљ, редовно ја информира јавноста за содржината на разговорите.
Русија, преку Кремљ, тврди дека сите телефонски разговори меѓу рускиот претседател Владимир Путин и поранешниот американски претседател Доналд Трамп редовно јавно се објавуваат, изјави портпаролот Дмитриј Песков, без да прецизира кога точно се случил последниот контакт меѓу двајцата лидери.
Песков нагласи дека за ваквите разговори јавноста секогаш е информирана, а деталите за нивната содржина најчесто ги соопштува помошникот на претседателот, Јуриј Ушаков, преку брифинзи за медиумите, пренесува РИА Новости.
Тој реагираше и на изјавите на Трамп дека продолжува да комуницира со Путин, иако не навел конкретни датуми за нивните последни контакти.
Во однос на војната во Украина, Песков изјави дека руската војска ги дефинира мерките како одговор на, како што ги нарече, украинските напади, додека претседателот Путин, според него, добива редовни извештаи за состојбата, неколку пати дневно.
„Претседателот е информиран за сите инциденти и за развојот на ситуацијата во врска со обидите за напади, како и за планираните мерки“, изјави Песков.