СОНЧЕВО ВРЕМЕ СО ТЕМЕРАТУРИ ДО 21 СТЕПЕНИ Северниот ветер ќе биде најизразен во овие делови од Македонија

Во Македонија денеска ќе преовладува сончево време со мала до умерена локална облачност. Утринските температури ќе бидат релативно ниски, додека во текот на денот се очекува потопло и пријатно време.

Температурите ќе се движат во интервал од 3 до 21 Целзиусов степен.

Ќе дува слаб до умерен ветер од северен правец, кој ќе биде поизразен долж Повардарието и во источните делови од државата.

Во Скопје времето ќе биде сончево со мала облачност. Ќе дува слаб до умерен ветер од северен правец.

И покрај свежото утро, во текот на денот ќе преовладуваат поволни временски услови, со повеќе сончеви периоди во најголемиот дел од земјата.