СКАНДАЛ ВО БЕРЛИН Пратеничка нападната на протест, полицијата го истражува инцидентот!

Во Берлин, на протест за поддршка на Палестина, пратеничката од партијата Die Linke, Леа Рајснер, беше нападната од полицијата, што предизвика бурни реакции во јавноста. Инцидентот се случи на познатото место Александерплац, каде што се собраа околу 300 демонстранти, кои протестираа против воените дејствија на Израел во Газа.

Според сведоци, Рајснер се обидела да смири ситуацијата и да разговара со полицијата, но во еден момент, еден од полицајците ја удри во лицето. Овој напад, кој е снимен и споделен на социјалните мрежи, предизвика големо негодување и осуди од страна на јавноста и политичките кругови.

Полицијата потврдила дека инцидентот се случил, но истакнала дека видеото не дава целосна слика на настаните. Портпаролот на берлинската полиција изјави дека ќе се спроведе истрага за да се утврди дали е прекршен закон.

Партијата Die Linke реагираше остро, барајќи моментално суспендирање на полицаецот и покренување дисциплинска постапка. Тие го опишаа нападот како неприфатливо однесување кон народна пратеничка и како доказ за зголемената репресија против левичарите и пропалестинските активисти во Германија.

Во последните месеци, Берлин е често место на протестите за поддршка на Палестина, кои често завршуваат со конфликти со полицијата. Властите неколку пати забраниле вакви собири, наведувајќи дека тие го загрозуваат јавниот ред, но организаторите продолжуваат со протестите, што дополнително ги зголемува тензиите во градот.