ШПИОНСКИ СКАНДАЛ ВО ПОЛСКА Руската шпионска екипа од пет држави уапсена во Полска

Премиерот на Полска, Доналд Туск, соопшти дека полските безбедносни служби денеска привеле 32 лица под сомнение за соработка со руските разузнавачки служби. Осомничените се поврзуваат со организирање саботажи и напади на територијата на Полска.

Според Туск, сомневањата се „основани“, а приведените лица се државјани на повеќе земји, меѓу кои Полска, Русија, Украина, Белорусија и Колумбија.

Тој особено го истакна случајот со 27-годишен Колумбиец, обвинет за подметнување два пожара во Полска, нагласувајќи дека истрагата потврдила директна поврзаност со наредби издадени од руските разузнавачки служби.

Премиерот додаде дека полското обвинителство и безбедносните органи продолжуваат со истрагата, а акциите за спречување на странски влијанија и саботажи остануваат приоритет на националната безбедност.