ПУТИН ВО НОВ ПРОБЛЕМ Украина погоди руски стратешки центар на повеќе од 500 километри од границата

Украинскиот претседател Володимир Зеленски денеска соопшти дека украинските сили извршиле напад врз рускиот вселенски комуникациски центар во Дубна, Московска област, објект за кој тврди дека се користи за извидување и координација на руските воени активности во Украина.

Зеленски преку објава на платформата X наведе дека центарот се наоѓа на повеќе од 500 километри од украинската граница и дека е еден од неколкуте слични објекти кои, според него, биле таргетирани во Московскиот и Владимирскиот регион.

Украинскиот лидер оцени дека нападите се дел од поширока и долгорочна стратегија чија цел е да се намалат можностите на Русија за спроведување воени операции.

„Постепено го реализираме нашиот долгорочен план и ги ограничуваме можностите на агресорската држава да продолжи со нападите врз Украина и окупацијата на нашите територии. Се подготвуваат дополнителни мерки против други слични непријателски објекти“, изјави Зеленски.