ПУТИН НАЈАВИ СПОМЕНИК ЗА СЕВЕРНОКОРЕЈСКИТЕ ВОЈНИЦИ Русија нема да го заборави нивниот придонес
Споменикот треба да биде откриен до крајот на 2026 година во Курската област, во чест на заедничкото учество на руските и севернокорејските војници во борбите.

Рускиот претседател Владимир Путин изјави дека учеството на севернокорејските војници во ослободувањето на Курската област претставува ново поглавје во историјата на воениот сојуз меѓу Русија и Северна Кореја.
На средбата со секретарот на Централниот комитет на Работничката партија на Кореја, Чо Јонг-вон, Путин истакна дека Русија нема да го заборави придонесот на севернокорејските војници кои се бореле рамо до рамо со припадниците на руските вооружени сили.
Тој најави дека до крајот на 2026 година во Курската област е планирано да биде откриен скулпторски споменик посветен на заедничките подвизи и придонесот на руските и севернокорејските војници.
Според Путин, споменикот ќе претставува трајно одбележување на заедничкото воено ангажирање и соработката меѓу двете земји, пренесува Интерфакс.

