ПОЛИЦИЈАТА ВЛЕГЛА ВО ДОМ ВО СТРУМИЦА И ОСТАНАЛА БЕЗ ЗБОРОВИ Пиштол и над 200 куршуми, приведен 58-годишник
Претресот открил арсенал оружје и муниција, а полицијата се сомнева дека ги поседувал синот без документација
Полициски службеници од СВР Струмица на 21 август извршиле претрес во дом во Струмица, при што биле пронајдени пиштол, повеќе од 200 парчиња муниција, две рамки за пиштол и воздушна пушка.
Во 06:30 часот бил лишен од слобода 58-годишниот Ѓ.Р. од Струмица. При претресот, извршен со судска наредба, полицијата пронашла пиштол „Црвена застава“ калибар 9 мм, 187 парчиња муниција за пиштол, 40 парчиња муниција за пушка, две рамки за пиштол и една воздушна пушка.
Според првичните информации, постои основано сомнение дека пронајденото оружје и муницијата ги поседувал неговиот 33-годишен син Д.Р., без соодветна документација.
За случајот е известен јавен обвинител од Основното јавно обвинителство Струмица. По целосното документирање на настанот, од МВР најавуваат поднесување кривична пријава.
