ПОЕДНОСТАВЕН ПРИСТАП ДО ДОКУМЕТНИ – Ова се новите електронски услуги за здравствено осигурување
ФЗОМ поврзан со Централниот регистар за автоматско преземање на податоци
Министерот Стефан Андоновски најави нови електронски услуги кои го поедноставуваат пристапот до документи, го намалуваат административниот товар и го елиминираат чекањето на шалтери.
За правни лица се воведува електронска потврда за платен придонес за задолжително здравствено осигурување.
За физички лица се воведуваат потврда за пријава и одјава за задолжително здравствено осигурување, потврда за осигурано или неосигурано лице и платен придонес и п
отврда за надоместок на плата за време на привремена спреченост од работа.
Корисниците на порталот на Фондот за здравствено осигурување автоматски се регистрираат во системот за единствена најава на национално ниво, што им овозможува со еден профил да користат услуги на различни институционални портали без повторно најавување.
ФЗОМ сега е поврзан и со Централниот регистар на население, овозможувајќи автоматско преземање на релевантни податоци за граѓаните.