ПЕН ГО ПРЕСКОКНА ОСКАРОТ – Замина кај Зеленски во Киев

Шон Пен не присуствуваше на 98. доделување на Оскари, одржано во театарот Долби театар, иако ја освои наградата за најдобар спореден актер за улогата во филмот Една битка по друга. Наместо во Холивуд, актерот во тој момент бил во Киев, каде што го посетил украинскиот претседател Володимир Зеленски.

Веста за посетата ја објави самиот Зеленски на социјалната мрежа X, истакнувајќи ја долгогодишната поддршка на Пен за Украина.

„Знаеме кој е вистински пријател на Украина. Вие сте со нас од првиот ден од тоталната инвазија, и така е и денес“, напиша украинскиот лидер.

Од почетокот на војната во 2022 година, Пен повеќепати престојува во Украина. Во 2023 година го сними документарецот Супермоќ, во кој го следи политичкиот подем на Зеленски и ја прикажува современата историја на земјата.

Поради престојот во Украина, Пен не беше во Лос Анџелес за лично да ја прими наградата, која ја додели минатогодишниот победник Киран Калкин. Со ова признание, тој влегува меѓу ретките актери со три освоени Оскари за глума.

Во филмот Една битка по друга, Пен го толкува корумпираниот воен службеник Стивен Џ. Локџау, а настапува заедно со Леонардо ди Каприо, Бенисио дел Торо и Тејана Тејлор, кои исто така беа номинирани за престижната награда.