МОЖЕН ЛИ Е ПРЕСВРТ НА БЛИСКИОТ ИСТОК – Катар посредува, САД влегуваат во игра

Емирот на Катар, шеик Тамим бин Хамад Ал-Тани, денес телефонски разговараше со американскиот претседател Доналд Трамп за регионалните тензии и дипломатските иницијативи на Пакистан насочени кон спречување понатамошна ескалација на конфликтот, соопшти Министерството за надворешни работи на Катар.

Во разговорот, двете страни се осврнаа на напорите за намалување на тензиите и одржување на стабилноста, со посебен фокус на поддршката на пакистанското посредништво меѓу САД и Иран, јавува Ал Џезира.

Се дискутираше и за важноста на континуираниот дијалог за решавање на актуелните проблеми, заштитата на комерцијалниот транспорт, безбедноста на стратешките водни рути, како и стабилноста на глобалното снабдување и енергетскиот пазар.

Емирот на Катар ја потврди посветеноста на својата земја кон мирни решенија и повтори поддршка за дипломатските напори во регионот.