МАДУРО СЕ ОГЛАСИ ВО НАЈТЕШКИОТ МОМЕНТ Ќе излеземе непоразени, Бог нека ја чува Венецуела

Претседателот на Венецуела, Николас Мадуро, порача дека тој и неговата сопруга Силија Флорес се молат за земјата и нејзините граѓани во, како што го опиша, „многу болен момент“.

Во објава на социјалната мрежа X, која ја објавија негови соработници во негово име, Мадуро повика на единство и истрајност, уверувајќи дека Венецуела ќе успее да ја надмине кризата.

„Повторно ќе знаеме како да излеземе непоразени, силни, обединети и исправени. Нека Бог ја заштити Венецуела“, порача Мадуро, пренесува венецуелската телевизија VTV.

Тој упати апел за „максимално национално единство“ и посочи дека неговите мисли и вера се со семејствата кои ги загубиле своите најблиски, со оние кои сè уште трагаат по исчезнати лица, како и со сите спасувачки екипи и граѓани кои помагаат во тешките моменти.

Мадуро им оддаде признание на спасувачите, лекарите, пожарникарите, припадниците на цивилната заштита, полицијата, вооружените сили, волонтерите и меѓународните партнери кои, според него, придонесуваат во справувањето со последиците.

Тој и Силија Флорес претходно се огласија по земјотресите што ја погодија Венецуела, изразувајќи солидарност со погодените граѓани.

Според извештаите, двата силни земјотреси предизвикале големи последици, со бројни жртви и исчезнати лица. Во исто време, во текстот се наведува и дека Мадуро и неговата сопруга се наоѓаат во федерален притвор во Њујорк, каде се соочуваат со обвиненија поврзани со трговија со дрога и оружје.