КУБА Е ПРОПАДНАТА ДРЖАВА – Трамп со жестока порака пред патот за Кина
Трамп тврди дека Куба побарала помош од САД, додека се подготвува за посета на Кина.
Фото: Принтскрин
Американскиот претседател Доналд Трамп изјави дека Куба побарала помош од Соединетите Американски Држави и најави можен почеток на разговори меѓу Вашингтон и Хавана.
„Ниту еден републиканец никогаш не ми зборувал за Куба, која е пропадната држава и оди само во еден правец – надолу! Куба бара помош и ние ќе разговараме!!! Во меѓувреме, одам во Кина!“, напиша Трамп.
Неговата изјава предизвика реакции во јавноста, особено поради острите оценки за состојбата на Куба и најавата за потенцијален дијалог меѓу двете земји.
Американскиот претседател, исто така, потврди дека на 13 и 14 мај ќе престојува во официјална посета на Кина, каде се очекува средба со кинескиот претседател Си Џинпинг.
CATEGORIES Свет