ИРАН ЈА ОТКРИ ТАЈНАТА ФОРМУЛА Војската и дипломатијата рака под рака

Портпаролот на иранската војска, Мохамад Акрамини, и портпаролот на Министерството за надворешни работи на Иран, Есмаил Багеи, ја истакнаа тесната координација меѓу воените и дипломатските капацитети на земјата, оценувајќи ги како комплементарни столбови во заштитата на националните интереси, безбедноста и достоинството на Иран, по нивната средба во саботата.

Акрамини изјави дека денес дипломатијата и воените структури функционираат поблиску и во поголема координација од кога било досега, со цел унапредување на националните интереси и зачувување на достоинството на државата.

Тој додаде дека резултатите од ова заедничко делување се видливи преку значајните достигнувања на иранскиот народ, како и преку спречување на, како што рече, непријателски планови и активности во текот на изминатата година, пренесува Press TV.

Багеи, пак, ја нагласи улогата на вооружените сили во поддршката на дипломатските напори на Иран на меѓународната сцена, истакнувајќи дека силата и капацитетите на армијата претставуваат цврста поддршка за Министерството за надворешни работи во заштитата на националните интереси.

Тој им оддаде почит на припадниците на армијата и на Корпусот на Исламската револуционерна гарда (ИРГЦ) кои, како што рече, ги жртвувале своите животи во одбрана на земјата за време на последниот напад, нагласувајќи дека нивната храброст и пожртвуваност се извор на гордост за сите Иранци.

Функционерот, исто така, го пофали континуираното присуство на граѓаните на улиците во последните 90 дена, опишувајќи го како симбол на отпорноста на нацијата во услови на, како што рече, агресија.