И ПЕТ МЕСЕЦИ ПО ТРАГЕДИЈАТА Родителите на жртвите повторно маршираа во Кочани

По точно пет месеци од трагичниот настан, во Кочани се одржа 18. „Марш на ангелите“, на кој присуствуваа семејствата на жртвите и нивните поддржувачи. Розета Џамова, сестра на загинатиот Јорданчо Џамов, изрази длабока болка: “Се навршија пет месеци од најтешкиот ден во нашите животи. Пет месеци празнина во срцето, пет месеци во кои секој здив е потежок од претходниот. Пет месеци без прегратките и гласот на нашите најмили. Во овие месеци болката не стивнува. Спомените нѐ држат исправени.”

Семејствата повторно ги изразија своите барања за целосна и непристрасна истрага за настанот. Дел од учесниците на протестот изразија загриженост за постапките на полицијата, тврдејќи дека некои граѓани од други градови биле задржани на влезот на Кочани. Според нив, тие биле дваесетина минути спречени да се приклучат на маршот. Овој настан повторно ја потсети јавноста на потребата од правдата и истрагата за трагичниот инцидент.