ФРАНЦИЈА ТРГНА ПОБЕДНИЧКИ Мбапе со два гола испиша историја на Мундијалот
Покрај Франција, победи забележаа и Австрија и Норвешка во првото коло од Мундијалот.
Франција стартуваше со победа на Светското првенство откако го совлада Сенегал со 3:1 во Њујорк. Килијан Мбапе беше главниот херој со два гола (66’ и 96’), а Бредли Баркола го постигна вториот погодок за „триколорите“. Единствениот гол за Сенегал го даде Ибрахим Мбаје во судиското продолжение.
Натпреварот беше неизвесен во првото полувреме, а Сенегал дури имаше неколку добри шанси, но француската одбрана издржа. По паузата, Франција го зголеми притисокот и стигна до водство преку Мбапе, по асистенција на Олисе. Баркола во 82. минута го зголеми резултатот, а иако Сенегал накратко се врати во игра, Мбапе со прекрасен удар во 96. минута ја запечати победата.
Со двата гола, Мбапе стигна до 57 погодоци за Франција и го израмни рекордот на Оливие Жиру, а стана и најдобар француски стрелец во историјата на Светските првенства.
Во другите натпревари, Австрија го победи Јордан со 3:1, додека Норвешка славеше над Ирак со 4:1. Ерлинг Холанд постигна два гола за Норвешка, а Арнаутовиќ ја потврди победата на Австрија од пенал во финишот.
