ЏЕНИФЕР ЛОПЕЗ ВО ГОЛ ФУСТАН ГИ ОСТАВИ СИТЕ БЕЗ ЗБОРОВИ Париз гледаше само во неа
56-годишната светска ѕвезда блесна во проѕирен фустан прекриен со кристали и циркони, а раскошната пердувеста наметка го направи нејзиниот изглед еден од најкоментираните на Неделата на високата мода во Париз.
Џенифер Лопез повторно беше во центарот на вниманието за време на Неделата на високата мода во Париз, каде со серија впечатливи модни комбинации покажа зошто и понатаму важи за една од најголемите модни икони.
Најголемо внимание привлече на ревијата на Celia Kritharioti Haute Couture за сезоната есен/зима, каде што пристигна во друштво на својата сестра Линда Лопез. Пејачката и актерка се појави во впечатлив проѕирен фустан украсен со безброј кристали и циркони, кои во пастелни нијанси на зелена, жолта и сина боја создаваа блескав ефект.
Креацијата со длабоко деколте совршено ја истакна нејзината силуета, но највпечатлив детал беше раскошната пердувеста наметка во нежна сиво-сина нијанса, која елегантно ја носеше префрлена преку рамото. Целиот изглед го заокружи со металик сребрени платформи и соодветна чанта.
Пердувите, очигледно, беа еден од главните модни мотиви на Лопез во Париз. Само неколку часа пред ревијата на Селија Критариоти, таа беше фотографирана во модел од колекцијата есен 2026 на Мајкл Корс, комбинирајќи бермуди со впечатливо волуменозно палто со пердуви. Сакото со кратки ракави и нежни пердуви внесе дополнителна драматичност во нејзиниот стајлинг.
Меѓу модните комбинации што најмногу се коментираа беше и тесниот бел фустан украсен со пердуви околу деколтето, уште една креација со која Џенифер Лопез покажа дека знае како да го привлече вниманието и на модната писта и надвор од неа.
