ДРЖАВАТА ГИ БАРА НАЈДОБРИТЕ – Отворен конкурсот за престижната награда „11 Октомври“
Конкурсот за највисокото државно признание е отворен до 30 мај 2026 година.
Одборот за доделување на државната награда „11 Октомври“ објави Конкурс за доделување на ова престижно признание за 2026 година.
Државната награда „11 Октомври“ претставува највисоко признание за животно дело во областа на науката, уметноста, стопанството, како и во други дејности од јавен интерес за Република Северна Македонија.
Наградата може да им се додели на поединци, групи творци, екипи, установи, трговски друштва и здруженија на граѓани од земјава. Под условите утврдени во Конкурсот, право на учество имаат и странски државјани, групи, тимови и институции чие дејствување е од значење за државата.
Конкурсот ќе биде отворен од 1 до 30 мај 2026 година.
Сите заинтересирани можат да ги најдат деталите, како и пријавата, на официјалната веб-страница на Министерството за култура и туризам.