ДРАМСКИ ТЕАТАР СО НОВ ПРОЕКТ ОД СЕПТЕМВРИ, „Денови на независната продукција“, наменет за поддршка на уметниците од независната сцена

Драмски театар Скопје ќе ја отвори новата сезона во септември со проектот „Денови на независната продукција“, наменет за поддршка на уметниците од независната сцена.

Од утре ќе биде објавен Јавен повик за пријавување претстави од независната продукција, кој ќе биде отворен до 1 септември 2025. Избраните претстави ќе се изведуваат од 9 до 19 септември, на сцените „Ристо Стефановски“ и „Малата сцена“, со обезбедена техничка поддршка од ДТС.

Проектот има за цел да поттикне иновативни и свежи театарски форми, да овозможи нови соработки и да ја збогати театарската понуда за публиката.