ДИЗЕЛОТ ЈА ПРОБИ МАГИЧНАТА ГРАНИЦА ОД 100 ДЕНАРИ Од полноќ горивата поскапуваат

Горивата повторно поскапуваат – дизелот достигнува 101,50 денари за литар.

Регулаторната комисија за енергетика ги објави новите малопродажни цени, согласно методологијата за пресметка. Цените во просек се зголемуваат за 2,62 проценти.

Бензините поскапуваат за 1,50 денари за литар. Така, ЕУРОСУПЕР-95 ќе се продава по 93 денари, додека ЕУРОСУПЕР-98 ќе чини 95 денари за литар.

Најголемо поскапување има кај дизелот. ЕУРОДИЗЕЛ поскапува за 3,50 денари, па новата цена ќе изнесува 101,50 денари за литар.

Новите цени стапуваат во сила на полноќ.