АТЛЕТИКО ПОД ПРИТИСОК – ПСЖ подготвува 150 милиони за Алварез

Атлетико Мадрид нема намера да се раздели со Хулијан Алварез, но сепак се подготвени да направат исклучок доколку пристигне понуда од околу 150 милиони евра.

Шпанските медиуми пренесуваат дека токму таква понуда наводно стигнала на „Метрополитано“ од Париз. Тренерот на ПСЖ, Луис Енрике, наводно дал зелено светло за трансферот, а клубот е подготвен да ја плати бараната сума.

Се наведува дека Атлетико нема да ја одбие оваа понуда, свесни дека во иднина тешко би можеле да ја добијат сличната вредност за аргентинскиот напаѓач.

Според истите шпекулации, двата клуба во наредните недели би можеле да започнат официјални преговори.

Алварез оваа сезона одигра 49 натпревари за шпанскиот клуб, постигна 20 голови и забележа девет асистенции.