АРХИЕПИСКОПОТ СТЕФАН ЈА ОТКАЖА ПОСЕТАТА ВО АМЕРИКА Лекарите му препорачале да не патува
МПЦ-ОА информира дека посетата на Американско-канадската епархија е откажана поради здравствени причини.
Архиепископот Охридски и Македонски г.г. Стефан нема да ја реализира најавената посета на Американско-канадската епархија, поради здравствени причини и по препорака на лекарите.
Од Канцеларијата на Светиот архијерејски синод на Македонската Православна Црква – Охридска Архиепископија информираат дека посетата требаше да се одржи по повод претстојните собирски манифестации на епархијата, чиј домаќин годинава е Црковната општина „Св. Кирил и Методиј“ во Вилоубрук, Чикаго.
Од МПЦ-ОА му посакаа на Архиепископот Стефан брзо и успешно закрепнување, со надеж дека со Божја помош ќе продолжи уште долго да ја раководи Светата Црква.
„На Архиепископот Стефан, со Божја помош, му посакуваме брзо закрепнување, за да може уште многу лета да раководи со нашата Света Црква“, се наведува во соопштението.
