ИНФЛАЦИЈАТА ВО ЕВРОЗОНАТА ОСТАНУВА НА ДВА ПРОЦЕНТИ Во ЕУ досгитнува 2,4 проценти

Според последните податоци од Европскиот завод за статистика, Евростат, годишната инфлација во Еврозоната во јули 2023 година се задржа на ниво од два процента. Во исто време, инфлацијата во целата Европска Унија изнесува 2,4 проценти.

Во споредба со јуни 2023 година, инфлацијата се намали во осум земји-членки, остана стабилна во шест, а се зголеми во 13. Најниските стапки на инфлација беа забележани во Кипар со 0,1 проценти, следена од Франција со 0,9 проценти и Ирска со 1,6 проценти. Од друга страна, највисоки стапки на инфлација беа регистрирани во Романија (6,6 проценти), Естонија (5,6 проценти) и Словачка (4,6 проценти).

Најзначајниот придонес за годишната стапка на инфлација во Еврозоната доаѓа од услугите, кои придонесоа со 1,46 процентни поени. Следуваат храната, алкохолот и тутунот со 0,63 процентни поени, индустриските стоки без енергија со 0,18 процентни поени, додека енергијата имаше негативен придонес од -0,23 процентни поени.