ВЕЛЕС ГО ОТВОРА 22. МЕЃУНАРОДЕН САЛОН ЗА СТРИП – Изложби, награди и стрип-колонија

На 20 август во Велес започнува 22. издание на Меѓународниот салон за стрип – најголемата стрип-манифестација во земјава.

На свеченото отворање во ЕВРОПСКАТА КУЌА ќе бидат доделени награди и признанија за најдобрите дела од меѓународниот конкурс, на кој годинава се пријавија рекордни 396 автори од целиот свет, меѓу нив 164 од Македонија.

Ќе биде отворена и изложба со избрани дела, како и специјална презентација посветена на 15 години од серијалот „Вековници“, со промотер Марко Стојановиќ од Србија.

Настанот продолжува со 7. стрип-колонија во Нежилово (21–24 август), на која автори од Македонија, Србија и Бугарија ќе творат заеднички стрипови.

Поддржувачи на манифестацијата се Министерството за култура и туризам, Општина Велес, ЕВРОПСКАТА КУЌА и стрип-заедницата.