ИРАН УАПСИ 20 ЛИЦА ОСОМНИЧЕНИ ЗА ШПИОНАЖА ЗА МОСАД – Погубена научничката Рузбе Вади

Иранските власти во последните месеци уапсија 20 лица за кои тврдат дека се оперативци на израелската разузнавачка агенција Мосад. Судството во Техеран порача дека нема да покаже милост и дека уапсените ќе бидат „пример“ за другите.

Во средата, Иран ја погуби научничката Рузбе Вади, осудена за шпионажа за Израел и за пренесување информации во врска со ирански нуклеарен научник убиен во израелски воздушни напади врз Иран во јуни, јавија државните медиуми.

Портпаролот на судот, Асгар Џахангири, изјави дека обвиненијата против дел од уапсените се отфрлени и дека тие биле ослободени, но не прецизираше колкумина остануваат во притвор.

Егзекуциите на лица осудени за шпионажа за Израел значително се зголемија оваа година, во контекст на краткотрајната војна меѓу двете земји.