ТРАГЕДИЈА ВО ЈЕМЕН: Потона брод со 154 мигранти од Етиопија
Брод со 154 етиопски мигранти потона рано утрото вчера покрај брегот на јужната јеменска покраина Абјан, информираше Абдусатор Есоев, раководител на Меѓународната организација за миграција (IOM) во Јемен.
Според неговите наводи, телата на 54 мигранти се пронајдени на брегот, додека уште 14 се извлечени и однесени во болница во главниот град Зинџибар. Само 12 лица преживеале, а останатите се водат за исчезнати и најверојатно се мртви.
Потрагата по преживеани сè уште трае, потврдија двајца здравствени работници од регионот.
Оваа трагедија повторно го свртува вниманието на опасната мигрантска рута преку теснецот Баб ал-Мандаб, кој ги поврзува Африка и Јемен. Мигрантите, често на преполни и небезбедни бродови, се надеваат дека ќе стигнат до Саудиска Арабија и други земји од Заливот во потрага по работа.
Меѓународната организација за миграција овој пат го нарекува „еден од најпрометните и најопасните мигрантски правци во светот“. Минатата година, преку оваа рута во Јемен пристигнале повеќе од 60.000 мигранти.
