ЛЕТЕН ОДМОР СО ТРАГИЧЕН КРАЈ -19 годишен Македонец почина во Халкидики
Околностите под кои дошло до трагедијата остануваат нејасни и се очекува дополнителна истрага од грчките власти.
Трагичен инцидент го потресе летувалиштето Ханиоти на Халкидики, каде 19-годишен државјанин на Македонија го загуби животот откако се удавил во морето.
Според извештајот на волонтерот-спасител и член на EAC, Јоанис Т. Колокитас, момчето доживеало срцев удар по давењето, при околности кои сè уште не се целосно разјаснети.
Несреќата се случила на централната плажа, каде спасувачот веднаш интервенирал и со помош на присутни капачи успеал да го извади младото момче од водата. Следела итна реанимација, при што бил употребен и автоматски надворешен дефибрилатор (AED).
Екипа на итната медицинска помош (ЕКАБ) брзо пристигнала на местото на настанот и ја продолжила реанимацијата, но, и покрај сите напори, животот на младиот турист не можел да биде спасен.
Починатиот бил префрлен во Здравствениот центар во Касандрија, каде што била официјално констатирана смртта.
Околностите под кои дошло до трагедијата остануваат нејасни и се очекува дополнителна истрага од грчките власти.
