МАКЕДОНЦИ БАРААТ ПОМОШ ЗА НАПУШТАЊЕ НА ИЗРАЕЛ Во тек се подготовки за враќање на 22 лица

Министерството за надворешни работи соопшти дека досега вкупно 22 лица побарале асистенција за напуштање на територијата на Израел и враќање во Северна Македонија.

Станува збор за македонски државјани и членови на нивните потесни семејства.

Во тек се активности за нивна евакуација и транспорт до безбедна локација, од каде што ќе се организира нивното враќање во земјата.

Од МНР истакнуваат дека дипломатско-конзуларното претставништво во Тел Авив е во постојана комуникација со засегнатите граѓани, а институциите работат на обезбедување на сите потребни услови за нивно безбедно и навремено враќање.