МАКЕДОНСКО-БУГАРСКА КОМИСИЈА Тема учебниците за 7 одделение и заедничко чествување на Гоце Делчев
Претседателот на бугарскиот дел од Комисијата, Ангел Димитров, вчера изјави дека на дневен ред се токму овие прашања, што претставува продолжување на дијалогот помеѓу двете земји во областа на образованието и историското наследство.
Во Скопје продолжува работата на Заедничката македонско-бугарска комисија за историски и образовни прашања, каде главна тема на разговор се учебниците за седмо одделение во Република Македонија, како и можноста за заедничко чествување на Гоце Делчев.
Претседателот на бугарскиот дел од Комисијата, Ангел Димитров, вчера изјави дека на дневен ред се токму овие прашања, што претставува продолжување на дијалогот помеѓу двете земји во областа на образованието и историското наследство.
Македонскиот тим во Комисијата, чиј претседател е професорот Ванчо Ѓорѓиев од Филозофскиот факултет во Скопје, беше избран од Владата на 10 септември 2024 година. Во тимот се вбројуваат и Митко Панов, Александар Литовски, Никола Минов, Сашо Додевски, Бесник Емини и Димитар Љоровски. Ѓорѓиев, кој претходно беше член на Комисијата, во 2021 година ја напушти поради политички притисоци.
Заедничката комисија е формирана согласно Договорот за добрососедство меѓу Северна Македонија и Бугарија, потпишан на 1 август 2017 година. До сега, Комисијата донесе препораки за заедничко чествување на пет историски личности – Светите браќа Кирил и Методиј, Свети Наум Охридски, Свети Климент Охридски и Цар Самоил, како и препораки за измени во учебниците по историја за шесто одделение во Македонија и петто одделение во Бугарија.
Настанот ја потврдува важноста на континуираниот дијалог и соработка во образованието и историјата меѓу двете земји.
