ЛАЗАРОВ ГИ ОТКРИ КАРТИТЕ ЗА СП 2027 Овие ракометари се во трка за македонскиот дрес
Кирил Лазаров објави поширок список со ракометари за Светското првенство во Германија, подготовките почнуваат на 22 декември, а Македонија во групната фаза ќе ги одмери силите со Исланд, Јапонија и Бахреин.

Селекторот на македонската ракометна репрезентација, Кирил Лазаров, го објави поширокиот список на ракометари на кои ќе смета во подготовките за Светското првенство 2027 година, кое од 13 до 31 јануари ќе се одржи во Германија.
На списокот се наоѓаат очекуваните имиња, но и неколку помлади ракометари кои ќе имаат можност да се наметнат и да се изборат за место во конечниот состав што ќе ја претставува Македонија на Мундијалот.
Ова е поширокиот список на Кирил Лазаров:
Голмани: Мартин Томовски, Васил Гогов, Никола Митревски, Иван Галевски и Марко Кизиќ.
Леви бекови: Филип Кузмановски, Дмитро Горига, Павле Атанасијевиќ, Михајло Младеновиќ и Емилијан Ѓоргоски.
Средни бекови: Марко Митев, Игор Ѓоргиев, Дамјан Митев, Мирче Калајџиевски и Мартин Ивановски.
Десни бекови: Давид Савревски, Мартин Велковски, Томислав Јагуриновски, Мартин Серафимов и Филип Николов.
Леви крила: Петар Атанасијевиќ, Марио Стојановски, Цветан Кузманоски, Иван Џонов и Гоце Ојлески.
Десни крила: Александар Петковски, Ален Ќосевски, Никола Костески и Ненад Белистојановски.
Пивотмени: Самоил Ристески, Милан Лазаревски, Марко Стојковиќ, Жарко Пешевски, Михаил Аларов и Валентин Карасманакес.
Подготовките на македонската репрезентација ќе започнат на 22 декември и ќе се одвиваат во две фази. Пред заминувањето за Германија, планирано е избраниците на Лазаров да одиграат и неколку контролни натпревари.
Македонија на Светското првенство ќе настапи во Х-групата, а противници во групната фаза ќе ѝ бидат Исланд, Јапонија и Бахреин. Натпреварите од групната фаза ќе се играат во Магдебург, а конечниот состав на Лазаров ќе биде познат по завршувањето на подготовките.
Од поширокиот список ќе бидат избрани ракометарите кои ќе го понесат македонскиот дрес на големата светска сцена. Пред Лазаров е задачата да состави тим кој ќе може рамноправно да се надигрува со противниците и да се бори за пласман во следната фаза.

