ЗАХАРОВА СО ЖЕСТОКА ПОРАКА ДО ЕВРОПА Немате место на преговарачката маса
Москва ја критикува воената вежба на европските сојузници во Полска, која започнува пред трилатералните разговори за Украина во Абу Даби.
Портпаролката на руското Министерство за надворешни работи, Марија Захарова, упати остри критики кон европските земји, оценувајќи дека претстојната воена вежба „Коалиција на оние што се подготвени“ во Полска уште еднаш покажува зошто Европа не треба да биде дел од претстојните преговори за Украина во Абу Даби.
Според Захарова, симболично е што воените активности започнуваат токму пред продолжувањето на трилатералните консултации за решавање на конфликтот меѓу Русија, САД и Украина.
„Исто така е симболично што овие вежби започнуваат пред продолжувањето на консултациите за решавање на конфликтот меѓу Русија, Соединетите Американски Држави и Украина во Абу Даби. Ова уште еднаш потврдува дека Европејците немаат место на преговарачката маса“, изјави Захарова, пренесува „Интерфакс“.
Руската портпаролка оцени дека западните земји и натаму не се подготвени да ги земат предвид, како што ги нарече, легитимните безбедносни загрижености на Русија. Наместо тоа, според неа, продолжуваат со активности кои дополнително ја ескалираат ситуацијата.
Изјавата на Захарова доаѓа во пресрет на новата рунда разговори за Украина во Абу Даби, на кои треба да учествуваат претставници на Русија, САД и Украина, додека прашањето за улогата на европските држави во мировниот процес останува предмет на дипломатски несогласувања.
ЈАЛТА 2 ЈА ПЛАШИ УКРАИНА Трамп, Путин и Си може да ја кројат иднината на светот без Европа
