ОРБАН ПРИСТИГНА ВО БАЊА ЛУКА, ДОДИК ГО ПРЕЧЕКА ДОМА Пораката што ја објави зборува сè
Средбата, на која присуствуваше и сопругата на Орбан, ги потврди блиските лични и политички врски меѓу двајцата.
Поранешниот унгарски премиер Виктор Орбан пристигна во Бања Лука, каде што Милорад Додик го угости во својот семеен дом. Средбата се одржа надвор од официјалните институции, а на неа присуствуваше и сопругата на Орбан. Додик не го криеше задоволството од посетата на својот долгогодишен политички пријател, споделувајќи ја информацијата на социјалните мрежи.
„Вистинските пријатели се пријатели за цел живот“, порача Додик.
Тој додава дека на Орбан му ја пренел благодарноста на српскиот народ за поддршката што ѝ ја давал на Република Српска за време на неговиот премиерски мандат.
Односите меѓу Орбан и Додик со години се карактеризираа со политичка блискост и заемна поддршка. За време на своето премиерско владеење, Орбан често покажуваше поддршка за раководството на Република Српска, додека Додик ја сметаше Унгарија за важен меѓународен партнер.
Соработката не се ограничуваше само на политичките контакти. Во изминатите години Унгарија развиваше и економска соработка со Република Српска, вклучително и проекти во земјоделството и енергетиката.
Посетата во Бања Лука привлекува внимание и поради фактот што Орбан ја напушти премиерската функција по 16 години на чело на унгарската влада. Сепак, неговите контакти со Додик продолжуваат и по завршувањето на премиерскиот мандат, што укажува дека личните и политичките врски изградени низ годините остануваат силни и покрај промените на политичката сцена во Унгарија.
Средбата во семејниот дом на Додик претставува уште еден знак на блискоста меѓу двајцата политичари, кои со години одржуваат партнерски односи.
