МИНИЌ ПО ИЗБОРНАТА ПОБЕДА Ќе бидам претседател на сите граѓани на Република Српска

Кандидатот на Сојузот на независни социјалдемократи (СНСД) за претседател на Република Српска, Саво Миниќ, по денешните избори порача дека ќе биде претседател на сите граѓани и на оние што гласале за него и на оние што не гласале.

„Сакам да бидам претседател на сите граѓани на Република Српска, и на оние што гласаа и на оние што не гласаа. Тоа го гледам како одговорност“, изјави Миниќ.

Тој истакна дека СНСД пред граѓаните понудил стабилност и дека така ќе продолжи и во иднина.

„Дојдовме пред народот, ние испорачуваме стабилност и така ќе продолжиме. Се движиме и продолжуваме со сите активности. Српска ќе биде првата што ќе формира влада. Ви благодарам на сите од срце“, рече Миниќ.

Претходно, лидерот на СНСД Милорад Додик ја прогласи победата на партијата на сите нивоа на денешните избори и им се заблагодари на граѓаните на Република Српска.