ИСТОРИСКИ ТРИУМФ НА КУЛБЕРГС ВО ЛАТВИЈА „Обединетата листа“ освои рекордни 42 места
Премиерот прогласи победа со повеќе од 35 отсто од гласовите, но ќе мора да бара коалициски партнери.
Партијата „Обединета листа“ на латвискиот премиер Андрис Кулбергс победи на парламентарните избори во Латвија, освојувајќи околу 35,4 отсто од гласовите и 42 од вкупно 100 места во парламентот, покажуваат прелиминарните резултати.
Тоа е најголемиот број мандати освоени од една политичка опција во историјата на Латвија по обновувањето на независноста во 1991 година. Претходниот рекорд изнесуваше 36 места, освоени во 1993 година.
Кулбергс оцени дека резултатот покажува оти „гласачите сакаат промени“. И покрај убедливата победа, неговата партија нема мнозинство и ќе мора да преговара со коалициски партнери за формирање влада.
На второ место се пласира „Латвија прва“ со околу 13 отсто, додека „Суверена власт/Нови Латвијци“ освои околу 12 отсто од гласовите.
Изборите донесоа и негативен рекорд – излезноста била околу 51,8 отсто, една од најниските во историјата на парламентарните избори во земјата.
