ЖЕЗУС УДРИ ПО ТЕМАТА РОНАЛДО Португалија гази и без најголемата ѕвезда

Португалија продолжува да ја привлекува светската фудбалска јавност, иако главната тема околу репрезентацијата останува заминувањето на Кристијано Роналдо од националниот тим.

Без својата најголема ѕвезда, Португалија продолжува со одличните резултати. Репрезентацијата има три победи во овој репрезентативен прозорец, а последната ја оствари синоќа против Данска со 4:2.

Во центарот на вниманието е и селекторот Жорже Жезус, кој беше запрашан дали по случувањата со Роналдо сè уште ја има поддршката од играчите.

Жезус порача дека настаните надвор од теренот не ја нарушиле атмосферата во репрезентацијата.

„Да. Не постои ништо што би го спречило тимот да биде со мене. Го разбирам прашањето, но најважно е она што треба да го направиме. Работите што се случуваат не ја делат групата; не нè разделија и нема да нè разделат“, изјави Жезус за „Спорт ТВ“, а пренесе „Скај Спорт“.

Говорејќи за можноста Роналдо повторно да се врати во репрезентацијата, селекторот не сакаше да се задржува на темата, туку го истакна резултатот против Данска.

„Ова е голема победа, со четири постигнати гола и игра на врвно ниво. Тоа не може да се занемари и е поважно од сè што се случи. Тоа е она на што сакам да се фокусирам“, рече Жезус.

Португалија во недела ја очекува нов предизвик против Норвешка, а Жезус нагласи дека тимот е целосно насочен кон продолжување на победничката серија.