ТРАМП ЗА ИРАН Се истражуваат врските со нападот во авионот, а можно е и ново бомбардирање
Американскиот претседател откри дека се истражува и можна врска на Техеран со инцидентот со авионот на „Флајдубаи“.
Американскиот претседател Доналд Трамп изјави дека Иран би можел да биде поврзан со копилотот на авионот на „Флајдубаи“, кој, според наводите, се обидел да го собори авионот на лет кон Израел.
Одговарајќи на прашања на новинарите пред Белата куќа дали се истражуваат можни врски меѓу напаѓачите и Техеран, Трамп рече дека истрагата е во тек.
„Би рекол дека одговорот, врз основа на она што го слушам, е да“, изјави Трамп, пренесува „Асошиејтед прес“.
Во исто време, американскиот претседател не ја исклучи можноста САД дополнително да ги засилат воените напади врз Иран по конгресните избори на 3 ноември.
Во интервју за „Тајм“, на прашањето дали размислува за зголемување на бомбардирањето по изборите, Трамп одговори: „Можно е.“
Коментирајќи го најновиот ирански предлог за прекин на конфликтот, Трамп порача дека не е подготвен да прифати договор што, според него, не би го прифатил ниту пред една година.
Изјавите доаѓаат во период на зголемени тензии меѓу Вашингтон и Техеран, додека продолжуваат дипломатските и воените напори за прекин на конфликтот.
АВИОНОТ НАГЛО ПРОПАДНАЛ 4.200 МЕТРИ Потоа стигнал сигналот за помош (видео)
