СКОТ БЕСЕНТ Иран за две недели може да остане без нафта за трговија со Кина

Американскиот министер за финансии Скот Бесент изјави дека Иран во наредните две недели би можел да ги испорача преостанатите количества нафта кон Кина, по што Техеран би останал без значаен извор за трговија.

Според Бесент, Иран располага со околу 15 милиони барели нафта, а американскиот притисок врз иранскиот нафтен сектор сè повеќе го ограничува економскиот простор на Техеран.

„Тие веројатно во наредните две недели ќе ги извршат последните испораки на нафта кон Кина, а потоа нема да имаат што да тргуваат“, изјави Бесент, пренесува „Фокс њуз“.

Неговата изјава доаѓа во услови на засилен американски притисок врз иранскиот нафтен сектор и настојувања на Вашингтон да ги ограничи приходите на Техеран од извозот на нафта.