АМЕРИКАНЦИТЕ СИ ЗАМИНАА ОД ИРАК Заврши американското воено присуство
Сите американски борбени и логистички сили ја напуштиле земјата, тврди ирачки владин претставник
Американската војска целосно се повлекла од Ирак, при што земјата ја напуштиле и последните американски борбени трупи и сили за логистичка поддршка, изјавил неименуван ирачки владин претставник. Повлекувањето следува по договорот постигнат меѓу Ирак и САД во 2024 година, според кој американските сили требаше постепено да ја напуштат земјата.
Според информациите, американските сили ги напуштиле преостанатите позиции во Ирак, со што е ставен крај на нивното досегашно воено присуство. Во последните години во земјата биле распоредени околу 2.500 американски војници, според податоци на Пентагон.
Американските сили беа распоредени на повеќе локации, меѓу кои курдскиот регион Ербил, база во близина на аеродромот во Багдад и објекти во т.н. Зелена зона во главниот град.
Повлекувањето е дел од договорениот процес меѓу Вашингтон и Багдад за завршување на американската воена мисија во Ирак. Засега останува прашањето дали со заминувањето на американските сили целосно завршува и американското воено присуство во земјата или Вашингтон ќе продолжи да има друга форма на ангажман.
