НОВ ЦЕНОВЕН УДАР Од полноќ бензините поскапуваат, дизелот поевтинува

Регулаторната комисија за енергетика, водни услуги и услуги за управување со комунален отпад (РКЕ) донесе одлука со која од 15 септември од 00:01 часот се менуваат највисоките малопродажни цени на нафтените деривати.

Во просек, цените на нафтените деривати се зголемуваат за 2,86 отсто во однос на претходната одлука од 7 септември 2026 година.

Според новата одлука, максималните цени ќе изнесуваат:

• Еуросупер БС-95 – 100,50 денари за литар
• Еуросупер БС-98 – 102,50 денари за литар
• Еуродизел БС (Д-Е V) – 99,00 денари за литар
• Екстра лесно масло за домаќинство (ЕЛ-1) – 109,50 денари за литар
• Мазут М-1 НС – 48,243 денари за килограм

Во однос на досегашните цени, дизелот поевтинува за 2 денари за литар, додека бензинот Еуросупер БС-95 и БС-98 поскапуваат за 3,50 денари за литар.

Екстра лесното масло за домаќинство поскапува за 4,50 денари за литар, а мазутот М-1 НС за 2,242 денари за килограм.