ШТО СТОИ ЗАД ОБЈАВАТА НА ТРАМП Ја сподели победата на AfD без ниту еден збор

Американскиот претседател Доналд Трамп ја сподели на својата социјална мрежа Truth Social изборната графика со резултатите од покраинските избори во германската Саксонија-Анхалт, на кои убедлива победа извојува крајнодесничарската Алтернатива за Германија (AfD).

Трамп ја објави графиката без дополнителен коментар. На неа е прикажана предноста на AfD пред останатите политички партии.

Според конечните резултати, AfD освои 43,8 отсто од гласовите, што е повеќе од двојно подобар резултат во споредба со 20,8 отсто освоени на изборите во 2021 година.

Христијанско-демократската унија (CDU) освои 17,2 отсто, што претставува голем пад во однос на 37,1 отсто од претходните избори. Социјалдемократската партија (SPD) освои 9,3 отсто, наспроти 8,4 отсто во 2021 година.

И покрај историскиот резултат, AfD не обезбеди апсолутно мнозинство. Партијата освои 39 од вкупно 83 пратенички места, односно три места помалку од потребното за самостојно формирање влада.

Победата претставува сериозен удар за германската владејачка CDU и за канцеларот Фридрих Мерц, додека резултатот на AfD отвора нова неизвесност околу формирањето на покраинската влада.

ПОЛИТИЧКИ ЗЕМЈОТРЕС ВО ГЕРМАНИЈА – AfD со убедлива победа од 43,8%