ПОЖАРИ ВО МАКЕДОНИЈА Ноќеска падна Чичино, спасено Палиград

Центарот за управување со кризи (ЦУК) информира дека до 13 часот на територијата на државата се регистрирани 11 пожари на отворен простор. Шест од нив се активни, еден е ставен под контрола, а четири се целосно изгаснати.

Активни се пожарите во Студеничани, Зелениково, Гостивар, Чашка, Пробиштип, Градско и Кичево. Пожарот кај Тајмиште во Кичево е ставен под контрола.

Во меѓувреме, изгаснати се пожарите во Сарај, Гостивар, Куманово и Берово. ЦУК продолжува да ја следи состојбата и да ги координира активностите на терен.

Дополнително, според информациите пожарот меѓу селата Горно и Долно Чичино повторно е надвор од контрола, а ноќеска е спасено селото Палиград.

Огнот зафатил голема површина со сува трева и се движи кон сртот, додека пожарникарите се обидуваат да го задржат неговото ширење и да ги заштитат овоштарниците и околните објекти.

Гаснењето може да биде долготрајно и тешко, а борбата со огнената стихија би можела да трае и неколку дена.

За справување со пожарот веднаш била побарана дополнителна помош. На терен се ангажирани државни трактори и хеликоптер. Дополнително се испратени и четири специјализирани противпожарни возила „Пинцгауер“.

Надлежните институции продолжуваат со активностите за локализирање на пожарите и заштита на населените места, земјоделските површини и објектите во загрозените подрачја.

СКОПЈЕ ЧУСТВУВА ЧАД Пожарот од Жеден се префрла кон скопска страна