СИТЕ СЕ ПРАШУВАА КОЛКУ ЗАРАБОТИЈА МАДОНА И БИБЕР Одговорот ќе ве изненади
Најголемите музички ѕвезди во светот настапија на финалето, но за своите 11 минути на сцената не добија хонорар.
Според информациите објавени од „The Athletic“, музичките ѕвезди кои настапија на финалето не добиле финансиски надомест за своето учество. Наместо хонорар, изведувачите го донирале своето време и настапот во рамките на хуманитарната иницијатива организирана во соработка со Global Citizen. Организацијата работи на различни социјални прашања и проекти насочени кон подобрување на условите за живот во светот.
Целиот проект е дел од партнерството меѓу ФИФА и Global Citizen, со амбициозна цел да се соберат 100 милиони долари. Средствата треба да бидат наменети за образовни програми и иницијативи кои ќе им овозможат на децата ширум светот подобар пристап до образование и повеќе можности, вклучително и за играње фудбал.
Претседателот на ФИФА, Џани Инфантино, при најавата на концертот истакна дека спектаклот треба да го искористи глобалното внимание што го носи финалето на Светското првенство за да испрати порака со пошироко општествено значење.
Според него, иницијативата треба да придонесе кон обезбедување квалитетно образование и можности за спорт на децата ширум светот, претставувајќи ја прославата како симбол на фудбалот, единството и хуманоста.
Џастин Бибер, пак, истакна дека Светското првенство има моќ да ги поврзе луѓето од целиот свет и дека особено му значи тоа што неговиот настап бил дел од проект кој има за цел да им помогне на децата да добијат подобар пристап до образование.
