ИСТОРИСКА СРЕДБА ВО СКОПЈЕ Сиљановска-Давкова ја пречекува претседателката на Индија
Друпади Мурму е во дводневна официјална посета на Северна Македонија, во рамки на која ќе се одржат средба со Сиљановска-Давкова, пленарни разговори на двете делегации и заедничка прес-конференција.
Претседателката Гордана Сиљановска-Давкова денеска со највисоки државни и воени почести ќе ја пречека претседателката на Република Индија, Друпади Мурму, која е во дводневна официјална посета на Северна Македонија.
По официјалната церемонија во Кабинетот на претседателката, предвидена е тет-а-тет средба меѓу Сиљановска-Давкова и Мурму, по што ќе се одржи пленарен состанок на македонската и индиската делегација. Посетата ќе биде заокружена со заедничка прес-конференција на двете претседателки.
Индиската претседателка пристигна во Скопје синоќа, а на Меѓународниот аеродром Скопје ја пречека министерот за надворешни работи и надворешна трговија Тимчо Муцунски.
Муцунски на својот профил на Фејсбук оцени дека посетата претставува можност за потврдување на одличните билатерални односи и за создавање нов поттик за продлабочување на политичката и економската соработка меѓу Северна Македонија и Индија.
