30 МУЗИЧАРИ, АНТИЧКА СЦЕНА И НАЈУБАВИТЕ МАКЕДОНСКИ ПЕСНИ Влатко Миладиноски подготвува спектакл во Хераклеја
На 29 јули Античкиот театар Хераклеја ќе биде сцена на голема музичка вечер со Влатко Миладиноски и оркестарот на Златко Миладиноски.
Античкиот театар Хераклеја на 29 јули ќе биде местото каде што повторно ќе заживеат звуците на македонската песна. Со почеток во 21:00 часот, популарниот интерпретатор на македонската музика Влатко Миладиноски ќе одржи голем концерт под отворено небо, најавувајќи вечер исполнета со емоции, традиција и врвна музичка изведба.
Во уникатниот амбиент на еден од најзначајните културно-историски локалитети во Македонија, публиката ќе има можност да ужива во добро познатите песни на Миладиноски, но и во нови оркестарски аранжмани кои ќе донесат поинакво сценско доживување.
На сцената, Влатко Миладиноски ќе настапи со оркестарот на Златко Миладиноски, составен од 30 професионални музичари. За концертот се подготвуваат специјални изведби на авторски композиции, како и преработки на едни од највпечатливите македонски песни.
Организаторите најавуваат дека концертната програма ќе биде збогатена и со настапи на специјални гости од македонската музичка сцена, чии имиња ќе бидат откриени дополнително.
Настанот е замислен како вистинска прослава на македонската култура, традиција и музичко наследство, каде што историјата на Хераклеја ќе се спои со моќта на македонската песна.
Билетите се достапни по цена од 700 денари преку mktickets.mk и продажната мрежа низ државата. Во Битола може да се набават во Tobacco Brothers на Широк Сокак, а во Прилеп во туристичката агенција Бран.
За дополнителни информации и резервации, достапен е телефонскиот број 077 611 669.
На 29 јули Хераклеја ќе биде сцена на музички спектакл кој ќе ги собере љубителите на македонската песна во вечер исполнета со традиција, силни емоции и незаборавни мелодии.
