СТУДЕН ТУШ ОД СОФИЈА Борисов брутално искрен, открива што следува по уставните измени

Лидерот на ГЕРБ, Бојко Борисов, порача дека внесувањето на Бугарите во македонскиот Устав нема да биде единствената обврска на патот кон европската интеграција. Според неговите ставови, исполнувањето на преземените обврски и договори ќе продолжи да биде клучен услов во процесот.

Борисов преку објава на Фејсбук ја поздрави одлуката на Европскиот парламент, оценувајќи дека таа претставува потврда дека договорите мора да се почитуваат. Тој се повика на Договорот за добрососедство меѓу Македонија и Бугарија од 2017 година и ја истакна улогата на неговата партија во создавањето на европскиот консензус.

„Нападот врз Вториот протокол кон Договорот за пријателство беше несоодветен и контрапродуктивен. Добро е што мнозинството европратеници јасно порачаа дека договорите треба да се почитуваат“, наведе Борисов.

Тој нагласи дека бугарската позиција останува непроменета и дека уставните измени се само еден од чекорите што, според него, треба да ги исполни Скопје. Борисов посочи дека понатаму ќе следува исполнување на обврските од европската преговарачка рамка, а секое отстапување од договореното би наишло на отпор во Бугарија и во европските институции.