ЦЕНАТА НА ЗЛАТОТО ПОД СИЛЕН УДАР Крај на сигурното засолниште
Пазарите внимателно ги следат сигналите од Федералните резерви.
Цената на златото се наоѓа под притисок поради очекувањата дека Федералните резерви на САД ќе ги задржат високите каматни стапки или дури ќе ги зголемат до крајот на годината. Тоа ја намалува привлечноста на златото, бидејќи не носи принос.
Златото падна на најниско ниво во последните шест месеци и бележи неделни загуби, иако во петокот имаше делумно стабилизирање. Спот-цената останува над 4.200 долари за унца.
Главната причина за падот се високите камати, кои ги прават поатрактивни обврзниците и другите инструменти со принос. Дополнителен притисок создаваат и очекувањата за идната инфлација и монетарната политика.
Геополитичките тензии, како ситуацијата околу Иран, повремено ја зголемуваат инфлациската неизвесност, но засега не се доволни да ја поддржат цената на златото.
Понатамошното движење ќе зависи од инфлацијата во САД и сигналите од Федералните резерви ако каматите останат високи, притисокот врз златото ќе продолжи, но ако се стабилизираат, можно е закрепнување.
